Hnam dang ID siamsak dawn

Hnahthiala police leh Joint YMA ṭangkawp chuan Covid-19 hripui darh zel tur vênna atan Hnah­thiala hnam dang awmte ko khawmin, inner line permit (ILP) an endik. Hnam dangte chu an thla laksakin, identity card (ID) an siamsak dawn.

Police leh YMA hian Inrinni zing khan Hnahthial Venglai YMA Hall-ah hnam dang mi 69- an koh khawm zing­ah ILP fel lo an awm nual tih an hmu chhuak. Ṭhenawm state-ahte Covid-19 a darh zel avangin state páwn aṭanga hnam dang rawn lut an awmin, hriat zung zung theihna atan hnam dangte chu ID siamsak an tum a ni.

Hnahthial Joint YMA president Hmingthanzuala chuan, "ID card nei lo dap chhuah a ni ang a, hmuh chhuahte chu an ram lamah thawn haw an ni ang," a ti.