Hun leh hmun thliar thiam turin chah

Parliamentary secretary Joseph Lalhimpuia chuan nimin khan Aijal Club-ah Music Domain Mizoram (MDM) General Assembly vawi thumna a hmanpui a; zai-thiamte chu an hriselna ngai pawimawh tur leh a hun leh hmun thliar thiam turin a chah.

Joseph Lalhimpuia chuan, hla leh rimawiin kawng hrang hrangin khawvel nun a nghawng nasa tih sawiin, incheina, nunphung, economics leh politics-ahte nasa takin nghawng a neih thu a sawi a, "Zaithiamte hian ṭhalaite nun an tidanglam thei a, ngaihtuahna sên a ngai hle. Hla hian ṭhalaite nunah nghawng a nei na hle a ni," a ti.

Zaithiamte chu hri-selna ngai pawimawh tura chahin Joseph Lalhimpuia chuan, hmun hrang hranga an zainaah a hun leh hmun mil zela hla sak a pawimawh thu a sawi a; hranghluite tihdan lak a ṭhat rualin, mahnia tih dan bik neih a ṭhat thu a sawi bawk.

MDM general secretary Lalnunkenga Chuau-ngo sawi danin, MDM hian a din tirh aṭangin Rs. 37,00,000 chuang an thawk chhuak tawh a, Rs. 30,00,000 chuang chu zaithiamte hnenah royalty atan an sem chhuak tawh. Music video library an siam a, local TV-te hnenah subscription fee awmin an pe chhuak ṭhin. MDM-ah hian member artist 400 an awm mek a ni.