Kawngpuia himna atana hmalak dan tur sawiho

Aizawl District Road Safety Committee chu nimin khan an chairman Kannan Gopinathan, Aizawl DC hoin DC pisa conference hall-ah an ṭhukhawm a, kawngpuia himna atana hmalakna tur hrang hrang an ngaihtuah.

Meeting-ah hian, kawngpuia chhiatnate chu vanduai vanga thleng awm mah se, tam tak chu fimkhur loh leh ngaihthah vanga thleng a nih avangin nasa zawka inzirtirna kalpui a pawi­mawh thu tarlan a ni.

Meeting chuan, ṭha zawka hma lak a nih theih nan lirthei chet­sualna thlen tamna hmun (accident prone area/ blackspot, etc.)-te chhinchhiah a, hmalak zui dan tur ngaihtuah ni se, a ti.

District Road Safety Committee hi Mizoram sorkarin Motor Vehicles Act, 1988 Section 215(3) behchhana a din a ni a, district tinah DC-te chu chairman niin, DTO chu member-secretary an ni a; member atan Police, PWD, Medical, Education, IPR leh Excise & Narcotics department leh AMC aiawhte an tel a ni.