Gas book dan thar inhrilhfiah

Nimin khan Lawng-tlai DC conference hall-ah Lawngtlai khawpui chhunga village council leh consumer pawl hruai-tute tan SMS, telephone leh internet hmanga gas hauh (book) theih dan tur zirhona buatsaih a ni.

Training hmanpuitu, Lawngtlai election officer Lalrinawma chuan, mahni in aṭanga thil tih mai theih tam tak a awm thu sawiin, "Hemi mil hian kan inher rem ve zung zung zel a ngai. Sorkar hmalakna a hlawhtlin nan mipuiin kan hriat chian a, ṭha taka kan zawm a ngai a, mipui zirtir turin V/C-te an pawimawh hle a ni," a ti.

Sub-Committee of the Consumers Advisory Committee on LPG-in a rêl angin, June 19, 2017 aṭang khan Aizawl khawpui chhung, district headquarters leh khawpui lian zualahte gas online booking hi hmang vek tawh tura ruahman a ni.

Ruahmanna thar avang hian gas la tura rei tak intlar te, subsidy chungchang pawisa kal sual leh to tak taka gas lei leh hralh (black-marketing)-te a ziaawm tura beisei a ni.