Education minister hoin Teachers' Day hman dan tur rêl

School Education minister H Rohluna hoin nimin khan School Education directorate conference hall-ah kumin September 5-a Zirtir-tute Ni hman dan tur sawiho a ni.

Meeting-a an rel dan chuan, Teachers' Day lawm dan turah district leh sub-division level-ah committee din leh tur a ni a; mumal leh felfai taka hman a nih theih nan inkaihhruaina fumfe tak siam a, khaw chhung hmun langsar zualah banner tàr tur a ni.

Teachers' Day pual hian thawhlawm pawh tihluihna awm loin zirtirtu pakhat zelin Rs. 50 leh zirlaite'n an remchan ang zat thawh ve tura tih a ni bawk.

Kum 2016 chhung khan zirtirtu damlo leh harsate ṭanpui nan zirtirtu 99 hnenah National Foundation for Teachers Welfare Fund, Mizoram aṭangin Rs. 8,10,000 sem chhuah a ni.