SRH-ah mi 28 enkawl mek an ni

State Referral Hospital (SRH)-ah July 18, Inrinni khan Covid-19 vei mi pahnih dah luh thar a ni a, hripui vei rinhlelh thilah mi panga dah luh tel a ni. Nimin khan hripui vei mi pahnih leh rinhlelh thilah mi pathum dah luh a ni bawk. SRH-ah hian Covid-19 vei mi 28 enkawl mek an ni.

SRH-a enkawl mek zinga mi 26 chu Isolation Ward-ah awmin, mi pahnih chu ICU-ah an awm. Hun eng emaw chen ICU-a enkawl zinga pakhat chu nimin khan Isolation Ward-ah sawn a ni. SRH-ZMC Bulletin chuan, Isolation Ward-a awm zingah pasarihin hritlang khawsik nasa vak lo an nei a, ngaihtuahawm an nih loh thu a tarlang. SRH-a admit ni lo, Aizawl district-a hripui vei dangte chu Covid Care Centre-ah enkawl an ni.