Myanmar aṭanga lakluh Vawk 10 leh a neitu man

Myanmar aṭanga lak luh nia rin vawk 10 leh a neitu New Siaha East II-a mi chu August 13, Inrinni khan man a ni a, vawkte hi suat nghal vek a ni.

Thu dawn danin, vawk mante chu vawk pùl hri African Swine Fever (ASF) kai a ni hlawm a, magistrate thuchhuak angin Inrinni vêk khan suat nghal vek a ni. Vawk neitu chu police-in an man a, a lakah thubuai an ziak lut a ni.

Siaha-a awm mek AH&Vety minister Dr K Beichhua chuan vawk awmna hmun a tlawh nghal a, ASF chu a danna leh tihdamna damdawi a awm loh avangin sorkar leh mipui ṭan rual ṭhat chu himna awm chhun a nih thu leh sorkar thupek bawhchhiatna thleng tawh lo se a duh thu a sawi.