Dy. CM-in thisen vawn ṭhatna hawng

Khawzawl District Hospital-a thisen vawn ṭhatna (blood storage centre) bunfel thar chu dy. chief minister Tawnluia'n August 13, Inrinni khan a hawng.

Khawzawl DC CC Lalchhuangkima kaihhruai inkhawmah Tawnluia chuan Khawzawla blood storage centre awm ta chuan mipuite a tih thlamuan phah hle dawn thu sawiin, "Thisen la tura Champhai pan dawn chuan darkar khat chuang kal a ngai ṭhin a, tunah erawh chuan thisen vawnṭhatna Khawzawlin a lo nei ta a ni. Khawzawl mipuite tan malsawmna nasa tak a ni," a ti.

Dy. CM chuan Mizoram sorkarin mipuite hrisel zawk nan ke a pen zel thu leh inenkawlna hmunhmate a theih ang anga a thawmṭhat zel thu sawiin, "State sorkar sum mai chuan thiltih zung zung a harsat ṭhin avangin a ṭul angin sum dap ṭhin a ni," a ti a, muangchanga kal bek bek a ngaihna chin a awm ṭhin thu a sawi.

Khawzawl District Hospital-a blood storage centre-ah hian thisen 350 ml, bag 160 bawr vel a leng thei dawn a; medical officer leh lab. technician pakhat ve vein an vil ang.