Lungleiah Lok Adalat ṭhu

Lunglei District Legal Services chuan National Legal Services Authority thupek bawhzuiin August 13, Inrinni khan District Court, Lungleiah National Lok Adalat an hmang. Lunglei district-a Court la thlenpui loh thubuai hrang hrang 86 leh bank-a sum puk in ṭhìnna thubuai 59 ngaihtuah a ni.

Lok Adalat-a thubuai ngaihtuah tur hian bench pahnih din a ni a, bench-I chu Lunglei chief judicial magistrate Vincent Lalrokima leh bench-II chu judicial magistrate first class JH Lalparmawii te'n an kaihruai a ni. Lok Adalat-ah hian thubuai neitute duh dan angin inremna ziahpui ṭhin a ni a, sum sên ngai loin thubuai hi chinfel sak ṭhin an ni.