Sorkarin Remsiami a hmuak dawn

Commonwealth Games 2022-a India hockey team palyer leh bronze medalist Lalremsiami Hmar chu naktuk, August 16 hian Mizoramah a lo haw dawn a, Lengpui Airport-ah lo hmuah tur niin, a chenna Kolasib thleng thlah a ni dawn.

Lalremsiami lo hmuah dan tur hi August 13, Inrinni khan Sports &Youth Affairs conference centre-ah Sports, Youth Affairs, ICT & Tourism Development Board vice chairman TC Pachhunga kaihhruaiin sorkar department leh infiamna pawl hrang hrang hruaitute'n an sawiho a ni.

Lengpui Airport aṭangin Kolasib panpui nghal tur a ni a, Lengpui Airport-ah chhun dar 12:30-ah NGO, sports association hrang hrang leh thuthar thehdarhtute nen hmuahna programme hman tur a ni. He hunah hian mimal leh pawl anga lawmpuina thilpek pe duh tan hun siam a ni ang.