Tlawng luia tla zawn mek a ni

Sailutthanga (45), Sairang Dinthar chu July 7, Zirtawpni chawhma dar 10 vel khan Buichali lei thlen hma deuh, Tlawng luiah a tla a, a ruang hi zawn mek zel a ni.

Sairang Dinthar branch YMA president F Lal­huapliana sawi danin, Sai­lutthanga hi Tlawng káia a huana feh turin a kal a, Tlawng lui kânna tur lawng remchang a awm mai loh avangin lui chu hleuh kai a tumna lamah a chesual a ni.

Sailutthanga tuia a tlak thu hriat a nih vel­eh Sairang, Sairang Dinthar leh Sihhmuia mi tlawm­ngaite'n an zawng nghal a, he thu ziah lai thleng hian hmuh a la ni lo. Tui tla zawngtute ei leh in sen­so atan bialtu MLA K San­gṭhuama'n Inrinni khan Rs. 3,000 leh silpauline a pe.