Mizoram PYD-te HIV/AIDS sawipui

Mizoram State AIDS Control Society (MSACS) leh Mizoram UPC ṭhalai, General PYD hnuaia Social Wing Committee-te chuan, Inrinni khan IPR directo­rate auditorium-ah HIV/AIDS chungchang sawihona hun an hmang.

Sawihonaah hian Dr Zosangzuala'n mipat hmeichhiatna hman aṭanga HIV kai chung­chang sawiin, HIV/AIDS kai chhan tam ber chu mipat hmeichhiatna hman khawloh aṭangin a nih thu a sawi.

Young Women Chris­tian Association (YWCA) aṭangin Wendy Zodinpuii'n 'Positive Sharing' chung­chang a sawi a; HIV/AIDS-in mimal leh chhung­kua a nghawng dan te, khawtlang leh ram leh hnam a nghawng dante sawiin, sawi thiang lo anga ngaih leh Pathian hremna ang hiala ngaih ṭhin chu thlak a ṭul tawh thu a sawi.

FHI-360 project officer Robert Lalrempui­a'n damdawi hman khaw­loh pawizia leh chumi aṭanga HIV/AIDS kai an tam tawh dante leh invenna tur hrang hrangte a sawi bawk. Sawihonaah hian Aizawla UPC tualchhung kohhran PYD hruaitu ṭhahnem tak an tel a ni.