Lok Adalat-in thubuai chingfel

Kolasib District Lok Adalat leh Lawngtlai District Lok Adalat-te chu July 8, Inrinni khan an District Court ve veah an ṭhu a, thubuai eng emaw zat an chingfel.

Kolasib District Lok Adalat hian case pang-ngai 37 leh Vairengte SBI aṭanga leiba ṭhinna thubuai 52 an ngaihtuah a; thubuai pang-ngai leh SBI leiba ṭhìnna aṭangin Rs. 8,65,840 hmuh chhuah a nih bakah, thubuai pasarih chinfel a ni.

Lawngtlai District Lok Adalat chuan Lawngtlai SBI-a PMEGP leh PMRY loan rûl ṭha lo mi 382 leh civil case pahnih an ngaihtuah a, thubuai zinga a tam zawk chu an chingfel.

Lok Adalat-ah hian Court-a judicial officer, ukil leh social worker-te ṭhuin, thubuai an ngaihtuah ṭhin a; ukil rawih man chawi a ngai lo a ni.