CYMA Gospel Camping buatsaih dawn

Central YMA chuan July 11-20, 2017 chhung khian zu vanga harsatna tâwkte pualin Agape Camping Centre, Durtlangah Gospel Camping an buatsaih dawn a, a duh apiang lut turin an sáwm. Speaker tur chu Lalramliana, Gospel Thunder Team a ni.

CYMA thuchhuak tarlan danin, camping pual hian Aizawl khawpui chhunga YMA branch ṭhenkhatte leh khawpui páwn lama CYMA-in a awp branch 29 leh group pakhat aṭangin thawhlawm a lut a, Rs. 82,900 a tling khawm tawh. Thawhlawm hi thawh zel theih a nih thu an tarlang.

Central YMA chuan, June thlaa ruahsur nasa vanga CYMA-in YMA branch kaltlang vehbûr a khawn mekah mi inphalte'n pawisa an pekte CYMA-ah a lut khawm mek tih an tarlang. Ṭanpuina hi July thla chhung-in CYMA-ah thehlut theih a ni a, Mizoram Rural Bank account no. 97003624845-ah pawh thawn theih a ni.