MSU leh Valley Strong Cement an inrem

Mizo Students' Union (MSU) leh Valley Strong Cement carrying & forwarding agent leh dealer-te chuan, July 8, 2017 khan Mizorama cement an hralh dan turah inremna an ziak.

Inremnaah hian MSU aiawhin office bearer pathumin hming an ziak a; Valley Strong Cement aiawhin C&F agent Lal-malsawma Sailo, stockist R Lalchhuan-awma leh H Lalbiakzuala ten hming an ziak a ni. An inremna ang chuan, Valley Strong Cement ip khat man chu Mizoramah Rs. 500 aia to lo tur a ni.

Valley Strong Cement man tura an bithliah chu Aizawlah Rs. 425, Lungleiah Rs. 475, Lawngtlaiah Rs. 495, Siahaah Rs. 500, Champhaiah Rs. 475, Khawzawl-ah Rs. 470, Hnahthialah Rs. 465 leh Serchhipah Rs. 450 a ni a; a man bithliah-ah hian home delivery a tel nghal a ni.