GST la zawm lo tam

Mizoramah sumdawng eng emawzat chu Goods and Service Tax (GST) hnuaiah an la inziaklut thei lo a, hei vang hian state dang aṭangin bungrua an chah lut thei tawh lo.

Vanglaini palai zawhna chhangin Mizoram Merchant Association (MIMA) president PC Lal­dinthara chuan, technical thil avangin sumdawng eng emawzat GST hnuaiah an la inziah luh theih loh thu a sawi a, "Harsatna la awmte hi Taxation dept. lam mawhphurhna pawh a ni lo a, anni hian harsatna awmte siamṭha turin sorkar laipui lamah thawn thlain, siamṭhat mek zel a ni," a ti.

PC Laldinthara sawi danin, GST provisional ID la nei dawng lo pawh eng emawzat an awm a, hei hi sorkar laipui mawhphurhna a ni. GST-a la inziaklut lote tan chuan July 1 aṭang khan state dang aṭangin bungrua chah theih a ni tawh lo.