Tui harsatna chinfel thuai phût

MPC party office bearer-te nimina an pisaa an president Lal-hmangaiha Sailo hoa ṭhukhawm chuan kum 2018-a Assembly inthlan tur an thlir lâwk a; thuchhuah siamin, Aizawla tui harsatna thleng mek chu chingfel a, mipuite tui hniang-hnâra pe thuai turin sorkar an phût.

MPC thuchhuah chuan, PHE tui pipe chhiat vanga hun rei tak chhung Aizawl veng hrang hranga mipuiin tuia harsatna lian tak an tawk chu pawi an tih thu a tarlang a, "Tun aia chak zawka siamṭhat hna thawk turin Mizoram sorkar kan phût a ni," an ti.

MPC chuan, ruahsur leh lei-min vanga khaw kar kawng inkal-pawhna siamṭhat ngai tam takte leh Aizawla inkalpawhna kawng chhiate chu chak zawka siamṭha turin sorkar an phût thu an sawi a; Aizawl Municipal Corporation hnuaia hna thawhte tlo leh belhchian dâwl, mipuite tana chhawrnahawm a nih theih nana ṭha taka hna thawk tura AMC sorkar an phût thu an sawi bawk.