Lottery chhui tura CBI ko lut turin CM ngen
MNF party chuan, Mizoram state lottery chungchang Central Bureau of Investigation (CBI) chhuitir tura ngenna nimin khan Chief Minister hnenah an thehlut.
MNF chuan, CM Lal Thanhawla'n May 12, 2017 (Zirtawpni)-a a thusawi bawhzuiin Mizo Carbon leh lottery chungchangah mipuiin thu dik an hriat theih nan, Mizo Carbon leh lottery-a thil dik lo awm bnia sawite chhui turin CBI ko lut a, chhuitir turin May 17-ah CM hnenah ngenna an thlen tawh tih an tarlang a, "Chu chu tihhlawhtlin niin, Chief Secretary-in notification No. C.31016/55/2016-VIG of Dated June 9, 2017 siamin Mizo Carbon chhui chiang turin hmalak nghal a ni," an ti.
Chief Secretary notification tihchhuahah lottery chungchang chhui tura CBI hriattirna a tel loh avangin, state lottery pawh CBI chhuitir a nih theih nan nimin khan Chief Minister hnenah ngenna lehkha an thehlut leh ta niin MNF chuan an tarlang.
MNF lehkhaah hian an general secretary C Lalrammawia'n hming a ziak a; CM a awm awm loh avangin principal secretary to CM Lalramthanga hnenah an pe a ni.