Welfare Board chhui zo tawh

Mizoram Building & Others Construction Workers Welfare Board (MBOCWWB) thil tih dan chhui tura din, Enqui­ry Commission chuan an chhui zo tawh a, July 5, 2017 khan an thil chhui­na report sorkarah an thehlut.

Thu dawn danin, MBOCWWB chhui tur hian LEIT secretary Ben­jamina leh IGP Niraj Thakur ruat an ni.

Anni hian MBO-CWWB-a thawkte leh a kaihhnawih mi pawi-mawhte thu an zawt a; chumi hnuah an thil hmuh dante chu July 5 khan chief secretary Lalmalsawma hnenah an thehlut a ni.

Enquiry Committee hi thla khat chhung hun pek an ni a, mahse, hun tiam chhungin an chhui zo lo a, sorkarin thla khat dang hun a pek belh leh hnuah report an peih thei a ni.

MBOCWWB kal­phungah thil fel lo a awm nia hriat a nih avang leh Nalanda Institute of Advance Studies, Kolkata-a zirlai tirh chungchangah Labour, Employment and Industrial Training minister Lalrinmawia leh Mizoram Youth Commission chairman T Sangkunga te chu an nihna aṭanginin an báng a; LEIT director hlui Rotluanga chu suspend a ni.