Eiruk thubuai panga Court-ah

Mizorama eirûk thu­buai ngaihtuahna awm­chhun, Aizawl District & Session Court-a Special Court-ah kumin chhung (May thleng)-in eiruk thubuai ngaih­tuah tur panga a lut tawh.

Special Court (PC Act)-ah hian kumin chhungin eiruk thubuai January thlaah pakhat, April-ah pahnih leh May-ah pahnih thehluh a ni. Kumin chhung vek hian eiruk thubuai pahnih chinfel a ni a, May thla thleng khan eiruk thubuai la chinfel loh 52 a awm bawk.