KHAWTHLIR

Compartmental result vawiinah
Mizoram Board of School Education (MBSE) chuan, vawiin chawhnu dar 3:20 hian HSLC leh HSSLC (compartmental) Examination, 2017 result a tichhuak dawn a, MBSE office-ah leh www.mbse.edu.in ah en theih a ni ang.

Stadium enfiah
Kolasib DC Dr Arun T hoin July 10, Thawhṭanni khan Kolasib Project Venga sport stadium sak mek chu UDPA depatment, Kolasib Venglai YMA leh a siamtu NBCC leh Balajee Developers-te'n an tlawh. Lung ṭhat leh ṭhat loh leh retaining wall-te an enfiah a, thil awm tur hrang hrangte siam dan tur an sawiho nghal bawk.

HCDC-in pawi ti
Hachhek Constituency Development Committee chuan thuchhuah siamin, Saikhawthlir Middle school-a zirlai nu leh pa leh NGO-te'n zirtirtu an awm ṭhat loh avanga an fate sikul an kaitir duh lo chu pawi an tih thu an tarlang a; Saikhawthlir M/S-a zirtirtu thawk ṭha duh lote chu hrem tura sorkar an phût thu leh, headmaster J Chawng-hmingthanga chu a rang thei ang bera a post, Saikhawthlir M/S-a awm tura an phut thu an sawi.

Paih khap
Aizawl DC chuan thupek chhuahin, Chite Veng leh Chite lui dung leh a kam velah leivûng leh bawlhhlawh paih a khap. DC tarlan danin, Chite luia phalna nei loa leivûng leh bawlhhlawh paih chu 'Water (Prevention and Control of Pollution) Act 1974 Section 24 (1): “Prohibition on use of stream or well for disposal of polluting matter, etc.' bawhchhiat-na a ni.

Pump khâr dawn
All India Petroleum Dealers Association chuan lungawi loh lanrtir nan vawiin hi 'No Purchase, No Sale' atan an puang a; hei vang hian All Mizoram Petroleum Delaers Association pawhin vawiin hian an filling station (pump)-te nilengin an hawng dawn lo a ni.