Khampat Bung humhalhna'n CYMA-in Rs 1,00,000 hlan

Myanmar rama Sagaing region huam chhung, Khampat khuaa Khampat Bungpui humhalhna atan Central YMA chuan Tahan Mizo Welfare hruaitute hnenah nimin khan Rs. 1,00,000 (Kyat 20,00,000) an hlan.

Khampat Bungpui humhalh-na kawnga hmalakna atana sum hlanna inkhawm tawi hi CYMA pisaah neih a ni a, CYMA president Lalbiakzuala'n Tahan Mizo Welfare hruaitute hnenah a hlan a ni.

Lalbiakzuala chuan, Zo fate inpumkhatna atan chhiat ṭhatah inhriat reng a ṭul thu a sawi a; tun hnaia Mizoramin khuarel chhiat-na a tawhah ṭanpuina pek tumin Myanmar-a Mizote'n an theih ang angin an awmnaah vehbûr an khawn khawm thu a sawi bawk.