Lokayukta din ngam loah sorkar puh

PRISM chuan thuchhuah siamin, Congress party kaihhruai sorkar chu Lokayukta din ngam tak tak lohah an puh a, Lokayukta din ngam sorkar Mizoramin a mamawh thu an tarlang.

PRISM chuan, Congress party-in kum 2008 inthlanpuiah corruption a zung nena pawh phawia pho ro an tlangaupui bakah, an Election Manifesto no. 1-ah Vigilance Commission din an tiam tih an sawi a, "Kum nga an sorkar chhungin an din lo tluan ṭhak a. Kum 2013 inthlanpuiah khan Lokayukta din an tiam leh a, tun thlengin hmuh tur a awm thei chuang lo. Kum 2016-17 budget-ah Lokayukta din nan cheng nuai 159.34 an dah a, an din chuang lo," an ti.