Lungsenah sikul kái tur dang

MZP Sub-Headquarters, Lungsen chuan Lungsen High School-a zirtirtu sawn chhuah a nih avangin nimin aṭang khan tiam chin awm loin sikul kai turte an dang.

Lungsen aṭanga thu dawn danin, Lungsen H/S-a Mathematics leh Science zirtirtu pakhat chu sawn chhuah a ni a, chumi chungchangah chuan Lungsen MZP-te'n School Education Minister leh Director hnena thu an thlenin awmzia a awm loh avangin an thil phût nawrna atan sikul kai tur an dang a ni.

MZP, Lungsen chuan, Lungsen H/S-in harsatna a tawh chu sorkarin chinfelsak thuai se an duh thu sawiin, "Heng kan hmalaknate hian awmzia a nei lo a nih chuan na zawka hmalak zel kan tum," an ti.