Serchhip dist.-ah Myanmar bike hman khap

Serchhip district bawrhsap Nazuk Kumar chuan, Serchhip district-ah Myanmar bike (Kenbo) hman khap a nih thu nimin khan a puang.

Serchhip DC chuan, Mizoram hmun tam tak, a bikin Myanmar ramri hrûl khuaahte China siam Kenbo bike kawl leh hmang ṭhin an awm tih hriat a nih thu a tarlang a, "Ram dang bike Myanmar aṭanga Mizorama dan loa lak luh hi phal loh a ni. Kenbo bike-te hi dan kalha lak luh a nih bakah, mi ṭhenkhatin sorkar phal loh thil phurh velna atan an hmang ṭhin tih hriat a ni," a ti.