Champhai DC ho in Champhaia in sak dan tur sawiho a ni

Champhai DC James Lalrinchhana kaihhruaiin nimin khan IPR conference hall-ah DAY-NULM Shelter for Urban Homeless kaltlanga Champhai District Hospital ram chhunga damlo awmpuitute innghahna riahbûk, Patients' Attendant Shelter leh upate tluk luhna leh enkawlna hmun, Shelter for Senior Citizens sak dan tur sawiho a ni.

Ṭhutkhawmah hian, Champhai District Hospital ram chhunga damlo awmpuitute innghahna tur sakna atana sum ruahman Rs 45,91,600 an pawm. Hmunhma hman phalna hmuh tawh niin, mithiamte'n an endik tawh a, khum 18 awm thei tura sak tum a ni.

New Champhaia Shelter for Senior Citizens sak mek atan sak chhunzawmna tur second instalment Rs 14,12,800 pek remtih a ni a bawk. Shelter for Senior Citizens sak nan hian Rs 35,32,000 ruahman a ni.