Zemabawk LC ṭhiah a ni

Zemabawk Local Council chu ṭhiah a nih thu Aizawl Municipal Corporation (AMC) chuan nimin khan hriattirna (notification) chhuahin a tarlang. LC ṭhiah a nih chhan chu sorkarna siam thei an awm loh vang a ni.

AMC notification tarlan danin, Zemabawk LC member ṭhenkhatin an awmna party an chhuahsan avangin sorkarna siam thei an awm loh thu LC Secretary aṭangin AMC chuan a dawng a; thil awm dan en zuiin, LC Secretary thu thlen chu a dik tih finfiah a ni.

AMC chuan, Zemabawk LC thar siam tura inthlan ṭhat a nih hma chuan Zemabawk LC chu ṭhiah a nih thu leh, LC Chairman seal leh document pawimawhte chu August 19, 2022 ral hmain AMC-ah thehluh tur a nih thu a tarlang. Zemabawk LC ṭhiah a nih hma hian MNF party-in sorkarna an chang nia thu dawn a ni.