Ramria harsatnate sawiho

Mizoram Legislative Assembly hnuaia Subject Committee-I member-te chuan, July 11, Thawhlehni khan New Delhi-ah Border Management Division secretary Sanjivani leh official dangte an kâwm a; Mizoram, Bangladesh leh Myanmari ramria harsatna awmte sutkian dan tur an sawipui.

Meeting-ah hian, Bangladesh leh Myanmar ramria harsatna awm leh a chinfel dan tur bakah, hmasawnna awm thei thil hrang hrangte sawiho a ni.

Subject Committee-I chuan March 16, 2017-a Assembly Session-ah, Myanmar ramri hung lohna tur resolution a lo pawm tawh chu an dinna a la nih tlat thu an sawi.

Meeting-ah hian Subject Committee-I aṭangin chairman PC Zoram Sangliana hoin member-te - Nihar Kanti Chakma, John Siamkunga, Vanlalzawma, S Lalding­liana, T Sangkunga leh Lalruatkima te an tel.

Ministry of Home Affairs aṭangin Border Manage­ment Division Secretary bakah joint secretary Pradeep Gupta, joint secretary (North East) Satyendra Garg, director Amit Nirmal leh BSF additional director general Mahehwari te an tel a ni.