Grape chìnna hmun zirchianna hlan

Mizoram Remote Sensing Application Centre (MIRSAC)-in Champhai district-a grape chin-na hmun tihpunna atana ram ṭha turte satellite leh Geographic Information System (GIS) hmanga an zirchianna map leh report chu, nimin khan Science & Tecnology conference room-ah Horticulture director Dr Elizabeth Saipari hnenah an hlan.

MIRSAC member secretary Dr RK Lallianthanga chuan, Coordinated Horticulture Assesment and Management using Geoinformatics (CHAMAN) Project hnuaiah grape chìnna hmun tihpunna tur ram ṭha awmna map leh report bu buatsaih a ni chu lawmawm a tih thu a sawi a, "Grape wine ṭhatna leh mamawhna a sang zel dawn a ni," a ti.

Dr Elizabeth Saipari pawhin thu sawiin, tunlai thiamna hmanga MIRSAC-in an buatsaih map leh report chu Horticulture department pawhin ṭangkai taka an hman ngei a beisei thu a sawi.MIRSAC report-ah hian Champhai district-ah grape chìnna atan ram ṭha hectare 43,780.6090-a zau a awma tarlan a ni.