Thenzawlah sangha chhuah

Vantawng Group YMA leh Fisheries department-te'n Thenzawl Field Venga sangha khawina dîl, Community Fish Pond an siam-ah nimin khan Fisheries secretary Thlamuana'n sangha notê ṭhahnem tak a chhuah.

Sangha note chhuahna inkhawm hi Vantawng Group YMA president LH Chawimawia'n a kaihruai a; Fisheries Secretary chuan, Mizoram-a lui dunga nungchate humhalh kawnga YMA hmalakna chu lawmawm a tih thu a sawi.

Thlamuana chuan, lui dunga nungchate suasam chíng, dan bawhchhetu YMA-in an man ṭhin, tih zui vak ngaihna an hriat loh ang chite hrem theihna tur dan sorkar-in a siam a, Legislative Assembly-in a pawm hnuah, Governor pawhin a pawm tawh thu a sawi a, "A taka kenkawh dan tur Rules buatsaih mek a ni," a ti.

Vantawng chanchinbu editor Liantluanga Ren-thlei hnen aṭanga thu dawn danin, Thenzawla Community Fish Pond-ah hian nimin khan sangha notê 2,000 chuang an chhuah a ni.