MIFCO leh SLT Liana & Sons-in Thawhhona thuthlung an ziak

Mizoram Food & Allied Industries Corporation Limited (MIFCO) leh SLT Liana & Sons, Zarkawt chuan, nimin khan MIFCO managing director J Hmingthanmawia pisaah MIFCO siam chhuah theituite chak zawka mipui lei theiha pho chhuah a nih theihna atan thawhhona thuthlung an ziak.

MIFCO hian an thil siamte chak zawka ram chhung leh páwnahte hralh chhuah dan tur an ngaihtuah hnuah, mimal nena thawh dun dan tur, public pivate partnership-a hmalakna kalpui an rel a ni. Tun aṭang chuan MIFCO theituite chu SLT Liana & Sons-in a zuar tawh dawn a, wholesale-a lei duh leh a hnuaia distributor ni duh tan anmahni biak zel a ngai tawh ang.

Inremnaah hian MIFCO managing director J Hmingthanmawia leh SLT Liana & Sons aiawhin Stephen F Laltawnliana ten hming an ziak.