Khawvela Ngiau lian ber nia chhâl Mipui en theih turin hawn a ni

India rama Ngiau (Michelia champaca) lian ber, khawvel huap pawha lian ber nia hriat, Environment, Forests & Climate Change (EFCC) department hnuaia Forest Training Institute, Aizawla dah chu a duh apiang en turin nimin khan PCCF Rosiama Vanchhong-in a hawng.

Rosiama Vanchhong chuan, Ngiau thing lian hi zirlai, researcher-e leh training nei tura ram chhung leh páwn aṭanga lo kalte tan chhenfâkawm tak a nih a beisei thu a sawi a; North Khawlek Branch YMA-te inpekna a ropui a tih thu a sawi bawk.

Ngiau thing lian hi North Khawlêk rama mi a ni a, N. Khawlek YMA-in uluk taka an humhalh ṭhin a ni. Kum 2007 fûr laiin thlipui leh leimin vangin a tlu a, a tlûk aṭanga kum kaw hnuah EFCC department leh N. Khawlek YMA-te hmalaknain zai thlak a ni a, Aizawlah lak a ni.

EFCC deparment tarlan danin, Ngiau thing lian hi ngun taka Annual Ring Count hmanga zir chian a nih hnuah kum 283-a upa nia chhût a ni a; India rama Ngiau lian ber a nih bakah, khawvelah a aia lian record hriat a ni lo.