Cement lak luh an rawt

Task Group on Commodities & Transport chu nimin khan an chairman HL Rochungnunga, Food, Civil Supplies & Consumer Affairs secretary kaih­hruaiin an ṭhu khawm a; inkhàr­khip laia Mizoramah cement a tam thei ang ber lak luh a nih theih nan sorkar thuneitute hnena thlen an rél.

Meeting chuan, Mizorama cement phurh luh reng reng Vairengte checkgate-ah report ni se, cement lak luhte chu rualkhai tak leh man pangngai aia toa hralh lo turin a zuartute ngen ni se, an ti.

Cement bakah, buhfai a man zat aia to a hralh an awm chuan sorkar hotute hnenah hriattir zel turin mipui an ngen a; hriattirna turte chu Legal Metrology Joint Controller phone 9856335411, Deputy Controller phone 9862122408 leh Assistant Controller phone 9436154512-te a ni.