MLA hlui F Lalzuala a thi

MLA hlui F Lalzuala (68), Zonuam, Aizawl chu nimin chawhma dar 10:30 vel khan a thi a, vawiin chhun dar 12-ah vui a ni ang.

Thu dawn danin, F Lalzuala hi nimin khan Congress Bhavan-a a awm laiin nikhaw hre loin a tlu a, Aizawl Civil Hospital thlenpui ni mah se, doctor-te'n an chhan hman lo a; a nupui V Hmingliani leh a tu leh fate a kalsan a ni.

F Lalzuala hi July 12, 1949-ah Ṭawipui, Lunglei district-ah a piang a, thiamna lamah B.A a ni. Kum 1993-a Mizoram Assembly inthlanah khan MNF ticket-in Ṭawipui bialah thlan tlin a ni a; a hnuah Congress party a zawm leh a ni. Lunglei Chanmari Presbyterian Kohhranah kohhran upa atan thlan tlin a ni a, a thih thlengin a lawina, Zonuam Kohhranah pem upa a ni.