MADC monsoon session ṭan

Mara Autonomous District Council MADC sorkar chuan nimin khan fûr ṭhutkhawm (monsoon session), ni thum awh tur chu MADC Session Hall-ah an ṭan a, chairman H Sahlo-a'n a kaihruai.

Session-ah hian MDC hlui FC Kiahlei sûnna hun hman a ni a; MADC Chairman chuan tun ṭum session chhunga Panel of Chairperson atan L Prisila leh N Lalrosanga te a ruat. Tun ṭum session atan hian unstarred question 10, starred question 40, amendment bill pakhat leh private resolution pahnih a lut a ni.

Chawhnuah chief executive member N Zakhai chuan, 'The Mara Autonomous District Council (Constitution, Conduct of Business,etc.) (Amendment) Rules, 2017 a pharh. Session hi vawiinah chhunzawm a ni ang.