MLA hoin lei minna hmun enfiah

Lunglei Zobawk khelmual bula leimin chu nimin khan bialtu MLA Joseph Lalhimpuia'n a tlawh a, Geology & Mineral Resources department-a mithiamte nen leimin belh zel dan tur an enfiah.

Geologists-te'n an hmuh danin, Zobawk khelmual bulah hian lung karah khì eng emaw zat a awm a, khi karah chuan tui a luh ṭhin bakah, lung a no avangin tuia chiah rei deuh chuan zawp mai thei a ni a; ruahtui leh tui pipe aṭanga tui luang chhuakin a chiah rei deuh avangin a min a ni.

Ruahtui a hlawma a buak loh nan tuidawn leh tui tling loa a luan ral zung zung theih nan tuihâwk luankawr lian zawk siam a ṭul thu mithiamte chuan an sawi.

Zobawka lei minna tlangah hian PHE tanky pathum, primary school, transformer leh YMA Rûn bakah, in eng emaw zat a awm a ni.