Officer-te'n zirlaite an kaihruai dawn

Lunglei District Education Committee chu nimin khan Circuit House conference hall-ah an ṭhukhawm a; parliamentary secretary (School Education) Joseph Lalhimpuia chuan, Lunglei district-ah department hrang hranga officer-te'n zirlaite an kaihhruai dawn thu a sawi.

Meeting hi Lunglei DC Lalzarmawii'n a kaihruai a; Joseph Lalhimpuia chuan, "Mizorama a vawi khatna ni turin Lung-lei district chhunga department hrang hranga officer-te'n zirlaite'n anmahni thiam zawng leh tui zawng mila eizawnna kawng an dap thiam theih nan an ṭanpui dawn a ni," a ti.

Meeting-ah hian department hrang hranga officer-te'n zirna sikul tlawha sikul naupangte nen inkawmhona nei ṭhin se, tih a ni. SSA Mission leh RMSA Mission hmalakna leh hmachhawpte thlirho nghal a ni.