Child Rights Protection zirho

SCERT-a Child Rights Protection Cell leh Aizawl DIET chuan, nimin khan Aizawl DIET auditorium-ah ‘One day sensitization on Child Rights Protection' an buatsaih a, DIET-a first semester leh third semester zirlaite puala buatsaih a ni.

Zirhonaah hian Child Rights Protection Cell-a lecturer pahnih - Vanlal-ruati leh Zozikpuii ten thil pawimawhte an sawi a; naupangte'n chanvo an chan theihna tura zirtirtu la ni mai turte'n an hriat tur ṭul hrang hrang sawiin, dan tharin naupang venhimna a pekte leh childline hman ṭangkai dan turte an zirtir a ni.

SCERT hnuaia Child Rights Protection Cell hi Right to Education hnuai-a din a ni a, Childline nena thawkhoin, hmun hrang hrangah mite an zirtir ṭhin a ni.