Khaw 40-a chhungkaw 620 hnenah Kuhva ṭiak 2,48,000 sem tawh
Mamit District Coordination Committee chu nimin khan an chairman Lalnunhlua, bawrhsap hoa ṭhukhawmin, Focus Project kaltlanga hmalaknate an thlir lêt a; district chhung khaw 40-a chhungkaw 620 hnenah kuhva ṭiak 2,48,000 sem a nih tawh thu tarlan a ni.
Ṭhutkhawmah hian Tentative Plan for Supervision Mission during August, 2022 an thlirho a; Mamit district-a hmalaknate chu August 26-27, 2022 chhungin Mission Team-in an endik dawn tih an tarlang.
Kum 2022-23 chhunga first quarter April-June chhungin FOCUS hnuaiah farmer interest group (FIG) 25-a chhungkaw 500 hnenah Mizo hmarchatê (Mizo Chilli) kg. 1,500 sem a nih tawh thu te, khaw 40-a chhungkaw 620 hnenah kuhva ṭiak 2,48,000 sem a nih thu te, chhungkaw 450 hnenah ar notê (rainbow rooster) 20 ṭheuh leh, mi pali hnenah vawk vulh ṭanpuina first instalment pek a nih tawh thu tarlan a ni.
Mamit district-a FOCUS kaltlanga hmalaknaah hian FIG din a ni a, trade hrang hrang - jhum, orchard, WRC/TRC, landless, CCA leh value chain-ah FIG 761 a awm mek. FIG-te hi Rs 10,000-in ṭanpui ṭhin a ni.