Champhai district-a hmalakna sawiho

Champhai District Water & Sanitation Mission chu an chairman James Lalrinchhana, bawrhsap kaihhruaiin nimin khan DC conference hall-ah an ṭhu a, Swachh Bharat Mission (Gramin), ODF Plus verification protocol, Jal Shakti Kendra leh Jal Jeevan Mission (JJM) hnuaia hmalakna leh hmachhawpte an sawiho.

Ṭhutkhawm tarlan danin, JJM hnuaia in tina tui connection pekna tur Functional Household Tap Connection (FHTC) kaltlangin chenna in zawng zawng 18,373 zinga 12,207-ah connection pek a ni tawh a, hmabak 6,166 la awm zinga a chanve aia tam chu tui connection peka herh haw tawh ni mah se, JMM inkaihhruaina hnuaia mi pakhat zel tan ni tin tui litre 55 pek ngai zat a la tlin loh avangin FHTC hnuaiah ziah luh an la ni lo.

Swachh Bharat Mission (Gramin) 2022-23 hnuaia hmalakna kalpui mek zingah 15th Finance Commission kaltlangin PHE department leh LAD ten community compost pit 87 leh community soak pit 18 an siam mek a ni.