Tlabungah ILP nei lo 15 man

MZP sub-headquarters, Tlabung chuan July 15, Inrinni khan Tlabunga hnam dangte'n inner line permit (ILP) an neih leh neih loh an enfiah a; ILP nei lo leh thi tawh mi 15 chuang manin, Tlabung Police Station-ah an hlan.

Tlabung MZP thuchhuah tarlan danin, ILP nei lo hnam dang an mante chu police kaihruainain an khuaah an thawn haw nghal ni. Mizorama dan loa hnam dang awmte Mizo ṭhenkhatin an chhan ṭhin leh an hum ṭhin chu ṭha lo an tih thu sawiin Tlabung MZP chuan, "Kan ram kan hnam him nan, hnam anga ṭangho zel turin kan duh tak meuh a ni," an ti.