Solar Park din tumna pawm a ni

Solar Power Project Approval Committee chu nimin khan P&E secretary H Lalengmawia hoin a pisaah an ṭhu a; Zoram Energy Development Ag­ency (ZEDA)-in kawl­phetha megawatt 2 siam chhuak thei tur Solar Power Plant din a tumna leh P&E department-in megawatt 20 siam theihna tur Solar Park din a tumte an pawm.

Solar Power Project Approval Committee hi Solar Power Policy of Mizoram 2017 hnuaia din a ni a, nimina an meeting hi an ṭhutkhawm vawi khatna a ni. Mizorama solar project, kawlphetha megawatt 1 leh a chung lam din turin an pawm­puina a ngai.

Solar Power Project Approval Committee mee­ting chuan, Solar Power Policy of Mizoram 2017-in sorkar office building zawng zawngah solar hman tura a tih avangin, a rang thei ang bera department hotute (head of department) koh khawm a, policy chungchang hrilhfiah ni se, an ti a ni.