Engineering College sak mek enfiah

Chhimbial Chhantu hruaitute chuan Lunglei Pukpui rama Engineering

College sak mek chu a hmunah tlawhin, hnathawh dan leh hmachhawp la awm te enpuiin, hnathawktute nen an inkawm nghal.

Chhimbial Chhantute zawhna chhangin engineer incharge-te chuan an hnathawh tur pumpui aṭanga 70% vel thawk zo tawha an inngaih thu te, Chhimbial Chhantuten kumtir lama an tlawh tuma balu ṭha lutuk lo anga an ngaihte chu insak nana hmang loa kawng siamna atana an hman thu te, balu ṭha an lakkhawm thute leh kumin chhung hnathawhna khawp vel an dahkhawl thu an sawi.

College sak meka hnathawh mek leh an hmaruate an enfiah hnuah, sawisel tur em em a awm hrih loa an hriat thu Chhiambial Chhantu hruaitute chuan an sawi.

Chhimbial Chhantu chuan Engineering College sak hna kal mekah a panna kawng chu sorkarin a theih angin thawm ṭhat sak se an duh thu sawiin, “Kawng chhiat avanga bungraw lakluh kawngah hatsatna hnathawktute’n an tawk fo a, kawng hi ṭha se chuan hnathawh pawh a chak sawt ngei kan ring,” an ti.

Engineering college sak mekna hmunah hian power supply pek a nih loh avangin harsatna an tawh ṭhin thu engineeer-te chuan an sawi a, “Genetator rim taka hman a nih avangin chhiat chang a nei fo,” an ti a, generator a chhiat chuan hnathawhnaah harsatna an tawh thu Chhimbial Chhantu hruaitute an hrilh.