A tling ngei lak duh

Mizoram Blind Society (MBS) chuan July 19 a Persons with Disabilities Commissioner thar lak turah danin a phut anga a thiam leh tling ngei chauh lak an phut thu an sawi.

MBS hian thu chhuah siamin, PwD Commissioner hna thawk tur hian Social Works-a master degree nei emaw, law, management leh human rights-a thiamna bik nei emaw a ni tur a nih thu tarlangin, "Hei ai maha pawimawh chu rualbanlo enkawlna kawnga tawn-hriat, kum 10 tal nei tawh an ni tur a ni tih hi a ni," a ti.

PwD Commissioner hna chu a pawimawh thu tarlangin MBS chuan, "Rualbanlo enkawlna lama thuneitu, Rehabilitation Council of India-in certificate a pek ngei, hna thawk thei tur ngei lak ni se kan duh," an ti a, a diltute zingah danin a phut ang thiamna nei an awm loh chuan, an awm hun nghah rih ṭha zawka an hriat thu an sawi.