Mizote hi piantirh aṭanga MNF vek kan ni - R Tlanghmingthanga

MNF vice president R Tlanghmingthanga chuan Mizo chhul chhuak tawh phawt chu Mizo kan nihna angin pian tirh aṭanga MNF an nih thu a sawi.

R Tlanghmingthanga hian nimin khan Mizo Hnam Runah thu sawiin, "Mizo Hnam tana ding, kan ram leh hnam damna leh hmasawnna atana din MNF hi Mizo chhulchhuak tawh phawt chu Kristianna kan pianpui ang mai hian Mizo kan nihna angin pian tirh aṭanga MNF a piang kan ni. Pian tirh atanga Mizo hnama piang si, MNF zawm thar anga in ngai thinte hi lawmawm hle mahse, ngaih-tuahna an ti thui hle," a ti.

Mizo hnama piang zawng zawngte hi MNF nihna chuan a huam fai vek tih sawiin MNF Vice President chuan, "Tuna Mizo Hnam Runa lawi nachang hre lo an la awm hi a pawi takzet a, tuna Congress Bhavan-a lawi mekte pawh an nihna hriat loh vanga vak bo mek chauh an ni," a ti a, tupawh engtik lai pawhin Mizo Hnam Runa lawi turin an welcome vek thu a sawi.