Zirnain hma a sawn dan tur sawiho

Mamit District Education Committee chu nimin khan an chairman Lalbiaksangi, Mamit DC hoin DC conference hall-ah an ṭhukhawm a, an district chhunga zirnain hma a sawn theih dan tur an sawiho.

RMSA hnuaia kum 2016 chhunga hmalakna hrang hrangte meeting-ah hian sawi chhuah a ni a; kum kal lai meka hmalakna tur leh hmachhawp hrang hrangte thlir a, sawihona leh zawhna leh chhanna hunte hman a ni.

Meeting-ah hian Teachers Day hman dan tur sawiho nghal a ni a, district khawpui bakah district chhunga sub-division hrang hrangah uar taka hman ni se, an ti.

Kumin Teachers Day-ah hian kum danga la tih ngai loh, District Teachers Award siam ni se an ti a; tehfung hrang hrangte leh buaipui ngaite lo buaipui turin sub-committeee an din nghal a ni.