Sorkar laipui scheme inzirtir

Labour, Employment, Skill Development & Entrepreneurship (LESDE) department, Central YMA leh common service centre (CSC)-te chuan nimin khan Vanapa Hall-ah Pradhan Mantri Shram Yogi Maan-Dhan (PM-SYM), National Pension Scheme (NPS-Traders) & e-SHRAM’ scheme vawrh lârna leh inzirtirna an buatsaih.

Scheme-te hi Ministry of Labour & Employment hmalakna a ni a; kutkawiha eizawnna hna thawktute dinhmun chawi kânna leh hlâwk zawka hna an thawh theih nan te, vanduaina leh chhiatna an tawha hamṭhatna an dawn theihna tur leh, hna thawktu a upat huna thla tin pension pekte a huam. Hamṭhatna dawng thei turin veng/khaw tina CSC-ah inziah luh theih a ni.