Hmun 3-ah heroin gram 529.090 man

Excise & Narcotics department (END) enforcement-te chuan August 17-18 khan hmun pathumah heroin gram 529.090 (hawng 39) an man a; ruihhlo vanga an mante lakah The Narcotic Drugs & Psychotropic Substances Act 1985 tlawhchhanin thubuai an ziak lut.

END hian August 17, Nilaini zan dar 10:30 khan Zokhawthar kawngah heroin gram 126.050 (hawng 10) leh a neitua puh Vanruatpiang (40) s/o Suiluai (L), Zokhawmawi, Myanmar leh Lalthawmmawia (32) s/o Tlanthanga, Dungtlang, Champhai district-te an man.

August 17 vêk khan zan dar 10:50-ah Vaivakawnah heroin gram 102 (hawng 7) leh a neitua puh - Roengmawia (25) s/o Kaiṭhuama (L), Rangvamual leh Chingsanawl (37) d/o Chinkhamlang, Darkhai, Tangzang district, Myanmar nia inchhálte an man bawk.

Nimin chawhma dar 10:40 leh dar 11:20 khan END mite'n Armed Veng South-ah heroin gram 301 (hawng 22) leh a neitua puh - Zaikhumi (50) d/o Thangchhunga (L) leh Lianlaia (58) s/o Thanliana, Zokhawthar, Champhai district, Armed Veng South-a khawsa mek nia inchhálte an man. Mi pahnihte hi nupa an ni.