Result dik loa mawhphurtu hrem turin MBSE an phût

MZP hruaitute chuan nimin khan MBSE chairman F Lianhmingthanga leh Controller of Examination an hmu a; HSSLC Examinations 2020 result-a dik lo awm chungchang sawipuiin, result dik lo chungchanga a mawhphurtu zawng chhuak a, dan anga hrem turin an ngen.

MBSE Chairman chuan, result dik lo chungchanga mawhphurtu leh ti dik lotu chu dan anga hrem a nih tur thu MZP hruaitute a lo hrilh. Hemi chungchangah hian sorkar leh MBSE hmalakna chu chawlhkar khat chhung an ngaihchàn dawn thu MZP chuan an tarlang.