School Education leh ICAI-in Thawhhona thuthlung an ziak

Mizoram sorkara School Education department leh Institute of Chartered Accountants of India (ICAI)-te chuan nimin khan Hotel Floria-ah thawhhona thuthlung, memorandum of understanding (MoU) an ziak.

MoU-ah hian School Education department aiawhin secretary Dr Lalzirmawia Chhangte-in hming a ziak a, ICAI aiawhin secretary Jai Kumar Batra-a'n hming a ziak. Hriatpuitu atan School Education Additional Director leh ICAI Chairman-in hming an ziak bawk.

Thawhhona thu­thlung hnuaiah hian School Education department leh ICAI chuan Mizorama high school leh higher secondary school-ahte commerce zirna leh chartered accountant zirna lam hawiin ṭan an la dun dawn a ni.